Ish-kryeministri Sali Berisha ëshët nisur në drejtim të stadiumit Air Albania, ku ka bërë dhe një deklaratë të shkurtër për mediat, ku e cilësoi ditën e sotme nisjen e revolucionit paqësor.

Berisha u pyet nga gazetarët nëse do të shkohet në seli pas Kuvendit Kombëtar, dhe nuk dha një përgjigje direkte, duke thënë se selia iu takon të gjithë demokratëve.

Nga ana tjetër Berisha tha se nuk ka pasur komunikim me Bashën, dhe përsëriti ftesën ndaj tij që ti bashkohet Kuvendit të sotëm

Berisha:

Sot do të jetë një ditë triumfi e revolucionit paqësor, asgjë nuk pengoi dhe nuk pengon djemtë dhe vajzat, burrat dhe gratë e lirisë për t’u bashkuar sot në rithemelimin e PD-së dhe në rikthimin e pluralizmit politik.

Ky është mesazhi më i bukur që ata u dërgojnë miqve konservatorë në Europë dhe në botë, Kuvendi merr vendimet e veta.

Mesazhet që u janë dërguar demokratëve janë një histori turpi, morën përgjigjen më të shkëqyer nga demokratët.

Mirupafshim, mirupafshim! Jo nuk kam komunikuar me zotin Basha, është i ftuar në Kuvend, selia është e Partisë Demokratike.