Banorët e fshatit Kuman janë shprehur të tronditur pas ngjarjes së rëndë, ku një 80-vjeçar qëlloi për vdekje bashkëshorten e tij dhe më pas i dha fund jetës.

Sipas tyre, nuk kishin dijeni për probleme mes çiftit, ndërsa theksojnë se ngjarje të tilla nuk kanë ndodhur më parë në zonë.

“Ata janë të ardhur. E shoqja shikonte vetëm punën. Ajo ishte shtëpiake, nuk dilte nga shtëpia. Jo, s’ka pasur ngjarje të tilla. Ne po çuditemi,” u shpreh një prej banorëve.

Ngjarja ka shkaktuar shqetësim të madh në komunitet, ndërsa rrethanat dhe motivet e saj mbeten ende të paqarta.