Kreu i PD-së Sali Berisha në një deklarataë për shtyp ditën e sotme kërkoi që në këtë situatë emergjente qeveria të subvencionojë plotësisht biletat e transportit public urban dhe interurban në vend.

Ai tha se kjo nuk është një kërkesë e pabazë e PD-së, duke shtuar se një sërë shtetesh evropiane po zbatojnë praktikën e transportit publik falas.

Berisha: Një ligj parlamenti për të financuar me qindra milionë euro klientelën e Edi Ramës me të cilën ai ndan paratë, siç është rasti i prokurimeve, korridorit blu apo të hajnisë.

Të gjitha këto po rrënojnë me shpejtësi ekonominë shqiptarë, buxhetet familjare dhe ajo që po e ndjen më fuqishëm fatkeqsisht është turizmi, si një ndër sektorët kryesore.

Në këto rrethana emergjente, PD kërkon vendosjen e menjëhershme të subvencionimit të plotë të biletave të transportit urban dhe interurban në territorin e vendit. Nuk është propozim i pabazuar. Sot në Gjermani, me një biletë mujore prej 9 eurosh lëviz me të gjitha mjetet, Spanja, Portugalia dhe një sërë vendesh e kanë transportin publik falas.