Ish kryeministri, Sali Berisha, nëpërmjet një konference për shtyp ka kërkuar që kryeministri Edi Rama të ndërmarrë disa masa urgjente të propozuara nga partia Demokratike për t’u ardhur në ndihmë qytetarëve.

Berisha ndër të tjera, kërkoi që Rama të merrte vendim për përgjysmimin e taksës së naftës nga 1.1 euro në 0.5 euro. Ai shtoi se kjo do të bëhej e mundur nëse qeveria, do të ç’doganonte rreth 250 mijë ton naftë që futën kontrabandë në Shqipëri.

Ish kryeminisri, Sali Berisha: PD kërkon përgjysmimin e menjëhershëm të taksës së taksimit të naftës që në Shqipëri në vlerën prej 1.1 eurosh është më ie larta në botë dhe është shndërruar në faktor kryesor të çmimit të kësaj lënde djegëse. Ky përgjysmim do të shoqërohej me një ulje të çmimit të naftës. Ata që mendojnë se arka do boshatiset, kjo nuk është e vërtetë. Mjafton që qeveria të ç’doganojë rreth 250 mijë ton naftë që kalojnë jashtë sistemit doganor në Shqipëri. Këtu duhet të jemi shumë të qartë se nuk ka asnjë lloj mundësie nafta kontrabandë në këtë vend përveçse kur lejohet nga dora e zezë e qeverisë. Ndaj kërkoj edhe njëherë përgjysmimin me urgjencë të taksimit për litër nafte që në Shqëipëri është më i larti në botë. Unë jam i vetëdijshëm se Edi Rama me arogancën e tij dhe thesin e tmerrshëm të vjedhjes dhe pasurimit, nuk do i marrë parasysh këto kërkesa por unë e garantoj se qytetarët shqiptarë në revoltën e tyre të ardhshme do vendosin për këto kërkesa dhe të tjera të programit të emergjencës së PD.