Në prime-n e së martës, banorja Juela u përball me sfidën e Kutisë së Pandorës, ku pati të drejtë të dërgonte tre persona në nominim. Ajo zgjodhi Gretën, Selin dhe Gimbos, ndërsa në listë u bashkua edhe Rogerti, i cili qëndron në nominim të përhershëm.

Mbrëmjen e kaluar, një bisedë mes Mirës dhe disa banorëve nxori në pah një detaj befasues për nominimin. Miri u shpreh se Greta ka “super fat” dhe mund të përfitojë një biletë kthimi, një avantazh i dhënë nga Baby G.

“Është njeri me fat ajo, ka super fat. E ça ndodh, ajo ka biletë kthimi,” tha Miri teksa diskutonte me Alesion, Shëndritin, Artanin dhe Markon. Marko reagoi menjëherë, duke paralajmëruar: “Ka për ta fikur Juelën, Greta kthehet prapë.”

Sipas banorëve, bileta e fatit mund të ndryshojë rrjedhën e lojës dhe tensionet brenda shtëpisë, duke e bërë kthimin e Gretës një nga momentet më të pritura nga publiku.