Kryeministri Edi Rama i ka dorëzuar ish-kryebashkiakut të Nju Jorkut, Eric Adams, pasaportën dhe kartën e identitetit të Republikës së Shqipërisë gjatë punimeve të Samitit IV të Diasporës.

Në ceremoninë e zhvilluar në Tiranë, Rama e uroi Adams për këtë moment simbolik dhe u shpreh se ai do të ketë një lidhje më të afërt me Shqipërinë në të ardhmen.

“Jemi të vetmit që mund të themi: e kisha këtë punë! Tani është dorëzuar, kush ka guxim ta marrë këtë mundësi”, u shpreh Rama.

Ai shtoi se Adams po përjeton një eksperiencë të veçantë në Shqipëri, duke nënvizuar hapjen dhe zhvillimin që, sipas tij, karakterizon vendin.

“Kjo është ID-ja jote, kjo është pasaporta jote shqiptare. Shpejt do të mësojmë edhe shqip. I dashur Erik, mirë se erdhe në Shqipëri”, tha Rama gjatë fjalës së tij.

Ceremonia u zhvillua në kuadër të Samitit të Diasporës, ku morën pjesë personalitete nga Shqipëria dhe diaspora shqiptare në vende të ndryshme të botës.