Në vijim të kontrolleve të vazhdueshme për respektimin e ligjshmërisë, Dega Doganore Rinas ka bllokuar 920 pajisje elektronike të markave “Apple” dhe “Samsung”, mes të cilave 510 celularë të llojeve të ndryshme.

Sipas autoriteteve doganore, pajisjet janë sekuestruar në kuadër të dyshimeve për cenim të të drejtave të pronësisë intelektuale.

Strukturat e doganës bëjnë me dije se verifikimet për këtë rast po vijojnë, për të përcaktuar origjinën dhe ligjshmërinë e mallrave të bllokuara.

Drejtoria e Përgjithshme e Doganave thekson se mbetet në angazhim të plotë, me të gjitha strukturat e saj, për të parandaluar çdo tentativë abuzimi apo shkelje të ligjit.