Deputeti i Partisë Demokratike, Luçiano Boçi, ngriti shqetësime të forta gjatë fjalës së tij në Kuvend, duke theksuar se korrupsioni dhe paqja fiskale janë çështjet që prekin direkt shqiptarët.

Boçi kritikoi drejtoresha e Kolegjit Evropian të Tiranës, të cilën e cilësoi si shembull të gabuar suksesi, duke theksuar se ajo ka përfituar tokë nga universiteti publik i Tiranës. Deputeti u shpreh i pakënaqur që gjatë fjalës së tij iu mbyll mikrofonin, duke vënë në pah se shqetësimet reale të qytetarëve shpesh nuk dëgjohen.

“Ky është shqetësimi i vërtetë i qytetarëve shqiptarë. Paqja fiskale prek xhepat e tyre dhe është kundërshtuar edhe nga diplomacia dhe institucionet ndërkombëtare”, tha Boçi. Ai kërkoi gjithashtu ndryshimin e rregullores për fjalimet në Kuvend, duke propozuar që çdo deputet të ketë 10 minuta për të shprehur shqetësimet dhe për të diskutuar problemet që prekin qytetarët.

Boçi theksoi: “Ju bëni sikur nuk ekzistojnë problemet, ta lëmë teatrin dhe të ndryshojë rregullorja, të flasin të gjithë deputetët për problemet që kanë”.