Bashkëshortja e ish-deputetit të Partisë Demokratike, Gerti Bogdani, Edlira Çepani, ka bërë një reagim të ndjerë në rrjetet sociale pas ndarjes së parakohshme nga jeta të partnerit të saj. Në një mesazh plot me dhimbje dhe dashuri, Çepani shprehet:

“Ti e dije që jeta ime s’ka kuptim pa ty! Ti ishe shoku im, dashuria ime, familja ime, skuadra ime! Zoti merr pranë vetes më të mirët, por ty s’duhet të të kishte marrë, se unë, Ajra dhe Reinarti kemi nevojë për ty… Bota është një vend i pavlerë pa ty! Do të të dua çdo ditë të jetës derisa të takohemi sërish, drita e çdo rrugëtimi tim!”

Ajo njofton gjithashtu se homazhet dhe ceremonia e lamtumirës do të mbahen nesër, më 19 shtator 2024, në Sallën e Seancave Plenare të Parlamentit të Shqipërisë, nga ora 10:00 deri në 12:00. Varrimi do të bëhet më pas në varrezat e Sharrës.