Një vajzë 6-vjeçare ka mbetur e plagosur rëndë pas një aksidenti tragjik në Shënkoll të Lezhës, kur u përplas nga një autobus që transportonte nxënës shkolle. Ngjarja ka ndodhur në rrugën e burgut, ku e mitura mori fraktura të rënda në disa pjesë të trupit. Ajo u transportua me urgjencë në Spitalin e Traumës në Tiranë dhe ndodhet në gjendje të rëndë shëndetësore.

Policia mbërriti menjëherë në vendin e ngjarjes dhe arrestoi drejtuesin e autobusit, Petrit Frroku, 56 vjeç, banues në Lezhë. Ndaj tij është ngritur akuza për “Shkelje të rregullave të qarkullimit rrugor”.