Një tjetër ish-banore e Big Brother VIP Albania ka vendosur të provojë veten në industrinë muzikore.

Bëhet fjalë për Brikenën, e cila duket se po zgjeron aktivitetin e saj përtej ekranit televiziv. Përveç angazhimeve të rregullta në panelin e emisionit “Top Arena”, ajo ka kaluar kohë edhe në studio muzikore, ku ka punuar për projektin e saj të parë muzikor.

Sipas informacioneve të publikuara, Brikena tashmë e ka përfunduar këngën debutuese, e realizuar në bashkëpunim me Adionin, ish-konkurrent i “Ferma VIP”.

Mësohet se ish-banorja po e trajton seriozisht këtë hap të ri në karrierë dhe ka planifikuar që projekti të shoqërohet edhe me videoklip. Vetë ajo ka zbuluar disa detaje gjatë një paraqitjeje në emisionin “Të guximshmit”, ku bëri të ditur se premiera e këngës do të mbahet në “Top Arena”.

Ky detaj ka tërhequr vëmendje të veçantë, pasi në të njëjtin emision është i pranishëm çdo natë edhe ish-partneri i saj, Mateo, me të cilin ajo ka pasur një romancë të komentuar gjatë qëndrimit në Big Brother VIP.

Tashmë mbetet të shihet se si do të pritet nga publiku debutimi muzikor i Brikenës dhe nëse ajo do të arrijë të fitojë vëmendje edhe në këtë fushë të re artistike.