Brokoli, anëtar i familjes së lakrës, është një perime e pasur me lëndë ushqyese dhe përfitime të shumta për organizmin. Nga mbrojtja kundër inflamacionit deri te parandalimi i kancerit, brokoli është një zgjedhje ideale për një dietë të shëndetshme.

1. Lufton inflamacionin

Brokoli përmban kaempferol dhe sulforafan, dy përbërje të fuqishme anti-inflamatore. Këto substanca ndihmojnë në zvogëlimin e inflamacionit në trup, mbrojnë kundër alergjive dhe ndihmojnë në parandalimin e sëmundjeve si artriti.

2. Përmirëson tretjen

I pasur me fibra, brokoli ndihmon sistemin tretës duke parandaluar kapsllëkun dhe duke nxitur eliminimin e toksinave nga trupi. Me vetëm 30 kalori për porcion, ai është një zgjedhje e shkëlqyer për ata që duan të ruajnë peshën trupore dhe të ndihen të ngopur më gjatë.

3. Përmirëson shëndetin e zemrës

Sipas The Journal of Agricultural and Food Chemistry, brokoli aktivizon prodhimin e thioredoxin, një kimikat që mbron qelizat e zemrës nga dëmtimi. Ai gjithashtu përmban acid glutamik, i cili ndihmon në uljen e presionit të gjakut, duke reduktuar rrezikun e sëmundjeve kardiovaskulare.

4. Lufton kancerin

Brokoli është një burim i pasur i izotiocianateve, kimikate që ndihmojnë në eliminimin e substancave kancerogjene nga trupi. Studimet kanë treguar se ai mund të zvogëlojë rrezikun e disa llojeve të kancerit, përfshirë kancerin e zorrës së trashë, prostatës, vezoreve dhe gjirit. Për shkak të përmbajtjes së lartë të vitaminës K, brokoli ndihmon në parandalimin e kancerit të zorrës së trashë.

Si ta konsumoni brokolin?

Për të ruajtur vetitë e tij ushqyese, brokoli duhet të gatuhet lehtë, për rreth 3-5 minuta, duke shmangur zierjen e tepërt që mund të shkatërrojë përbërësit e tij të dobishëm.

Me të gjitha këto përfitime, brokoli është padyshim një superushqim që duhet të jetë pjesë e çdo regjimi ushqimor të shëndetshëm!