Ceremonia e Inagurimit të Donald Trump si President i 47-të i Shteteve të Bashkuara të Amerikës ka tërhequr vëmendjen e mediave ndërkombëtare, jo vetëm për prezencën e dhjetëra liderëve botërorë, por edhe për mungesën e disa prej tyre.

Kryeministrja italiane Giorgia Meloni është e vetmja liderë e lartë europiane që do të marrë pjesë në këtë ceremoni, ndërsa shumë liderë të Bashkimit Europian, përfshirë Kryeministrin britanik Keir Starmer, Kancelarin gjerman Olaf Scholz dhe Kryetaren e Komisionit Europian Ursula Von Der Leyen, nuk kanë marrë ftesë.

Trump duket se ka preferuar të ftojë liderë të rinj europianë, përfshirë përfaqësues të ekstremit të djathtë, si dhe figura të tjera kontestuese, përfshirë Nigel Farage nga Partia e Reformës në Britani.

Gjithashtu, presidentë të shtatë shtetesh do të ndjekin betimin e Trump, duke përfshirë presidentin e Argjentinës Javier Milei, presidentin e Ekuadorit, presidentin e El Salvadorit, ish-presidentin e Brazilit dhe ish-kryeministrin polak.

Në një lëvizje të pazakontë, Trump ka ftuar gjithashtu Presidentin Xi Jinping të Kinës, njëkohësisht kur tensionet tregtare mes Uashingtonit dhe Pekinit janë më të larta se kurrë. Megjithatë, Xi Jinping nuk do të jetë i pranishëm në ceremoninë e Trump, ndërkohë që Pekini ka dërguar në Uashington Zëvendës Presidentin kinez. Ky është një rast i parë që, sipas të dhënave të Departamentit të Shtetit, një lider kinez nuk është ftuar kurrë në inaugurimin e një presidenti amerikan që nga viti 1874.