GJKKO ka pranuar kërkesën e avokatëve të Fatmir Mediut për heqjen dorë nga gjykimi i shkurtuar ndaj tij për çështjen “Gërdeci”.
Procesi ndaj Mediut do të vijojë me gjykim të zakonshëm, ndërsa seanca e rradhës ndaj tij do të zhvillohet më 22 shtator ora 10:00.
Ndërkohë që për kërkesën tjetër të Mediut që të thirren si dëshmitarë edhe 90 persona të tjerë ku përfshihen edhe ish-ministra të PD-së dhe PS-së, ish-zyrtarë dhe ushtarakë të lartë të NATO-s, gjykata nuk ka mbajtur qëndrim.
Ndër emrat e kërkuar nga mbrojtja për t’u marrë si dëshmitarë ishin: Pandeli Majko, Besnik Mustafai, Ridvan Bode, Aldo Bumçi, Mimi Kodheli dhe ish-shefi i SHISH Bahri Shaqiri.
Fatmir Mediu akuzohet nga avokatët e familjarëve të viktimave për tragjedinë e Gërdecit më 2008, ku si pasojë e shpërthimit të armëve humbën jetën 26 persona.
