Pas takimit emocionues me të bijën brenda shtëpisë së “Big Brother VIP”, mamaja e Brikenës ka dhënë një intervistë ekskluzive për emisionin “Fan Club”, ku ka folur hapur për rrugëtimin e vajzës së saj në reality show, raportin me Mateon dhe mbështetjen e plotë të familjes.

Ajo u shpreh e kënaqur me mënyrën se si Brikena po e përfaqëson veten brenda shtëpisë, duke theksuar se ajo është po e njëjta vajzë edhe jashtë kamerave. Sipas saj, familja ka qenë dakord që Brikena të bëhej pjesë e BBV dhe e konsideron atë një vajzë inteligjente dhe të qëndrueshme në vendimet e saj.

Në lidhje me raportin e Brikenës me Mateon, nëna e saj u shpreh me fjalë respekti, duke e cilësuar atë si “djalë shumë të mirë” dhe duke i uruar suksese në lojë.

“Jemi të kënaqur me Brikenën. I urojmë suksese. E njëjta Brikenë që është në shtëpi, është edhe këtu. Kemi qenë dakord për të hyrë në BBV. Mateo është shumë djalë i mirë, kam respekt për të,” u shpreh ajo.

Mamaja e Brikenës theksoi se familja do të jetë gjithmonë në krah të saj, pa asnjë kusht dhe pa ndërhyrë në zgjedhjet e saj personale.

“Ne jemi me Brikenën. Çfarë të vendosë ajo, me atë jemi dhe ne. Nuk jemi kundër kurrë gjëje. Brikenën e presim me fitore,” përfundoi ajo.

Deklaratat e saj u pritën pozitivisht nga publiku, duke reflektuar mbështetjen familjare dhe qetësinë që Brikena duket se ka edhe jashtë shtëpisë së BBV.