Revista L’Espresso ka publikuar kopertinën e saj të re, duke portretizuar blogeren e njohur Chiara Ferragni si Joker. “Ferragni Spa: The dark side of Chiara”, thuhet në titullin që ka nxitur reagime të forta. Ish-partneri i Chiara Ferragni, reperi italian Fedez, ka shprehur revoltën e tij në rrjetet sociale, duke hedhur akuza ndaj pronarit të revistës.

Në një postim në Instastory, Fedez ka publikuar një foto të pronarit të revistës Donato Ammaturo, duke e quajtur naftëtar dhe duke shprehur pritjen për një hetim ndaj tij. “L’Espresso, kur do të bëhet një hetim i mirë për pronarin tuaj naftëtar? E pres me padurim”, shkroi reperi italian.

Në anën tjetër, Chiara Ferragni ka dhënë një intervistë për “Che tempo che fa”, ku ka folur për herë të parë hapur për krizën në marrëdhënien e saj me Fedez. Ndërkohë, reagimet ndaj intervistës së Ferragni kanë qenë të ndryshme, shkaktuar skeptikizëm dhe dyshime nga ndjekësit e saj në rrjetet sociale, disa prej të cilëve e kanë akuzuar se ka gënjyer dhe nuk ka qenë e sinqertë.

Kanë qenë dy muaj e gjysmë të vështirë në të cilët u gjenda në qendër të një valë urrejtjeje. Kur të gjithë janë aty duke të sulmuar, ndihesh e pamposhtur. Bota ime u shemb. Kriza mes meje dhe Fedez është reale. Gjithmonë mendohet se jam stratege, por nuk është kështu, fatkeqësisht nuk është strategji. Do të doja të ishte. Ne flasim me Fedez, jemi dy njerëz të rritur që e duam njëri-tjetrin. Kemi pasur edhe kriza të tjera, por kjo është më e fortë se të tjerat. Të shohim se çfarë do të ndodhë.