Ish-ambasadori i SHBA-së në Serbi, Christopher Hill, ka dhënë një deklaratë mbrojtëse për ish-presidentin e Kosovës, Hashim Thaçi, duke theksuar se nuk beson se ky i fundit ka qenë i përfshirë në aktivitete të paligjshme.

Hill shpjegoi se vendosi të dëshmojë pasi u kontaktoi nga persona të ndryshëm dhe ndjeu përgjegjësi të thoshte të vërtetën mbi njohuritë e tij për situatën. “Koha nuk i shëron të gjitha plagët, por pas 25 vjetësh është koha e duhur për të reflektuar, dhe nuk kam arsye të besoj që Thaçi ka qenë i përfshirë në aktivitete të tilla,” deklaroi Hill.

Ai theksoi se gjatë periudhës kur Thaçi u mbajt i burgosur lidhur me këto çështje, nuk kishte asnjë informacion apo dëshmi që të sugjeronte se ai kishte urdhëruar veprimtari të paligjshme. “Siç e kuptoj unë, nuk kam dëgjuar asgjë që të tregojë për përfshirjen e tij në aktivitete të tilla,” shtoi Hill, duke argumentuar vendimin e tij për të dëshmuar në favor të ish-presidentit kosovar.