Kryetari i PD-Demokratët Euroatlantikë, Lulzim Basha, ka reaguar në lidhje me arrestimin e ish-deputetit të Partisë Socialiste, Jurgis Çyrbja. Në një postim në Facebook, Basha thekson se Çyrbja, i lidhur me hipotekën e Durrësit dhe bandat e Shijakut, përfaqëson bishtin e një sistemi korruptiv dhe të kriminalizuar që ka sjellë varfërim dhe shpopullim të vendit. Ai akuzon Edi Ramën se i ka dhënë pushtet Çyrbjas për t’i shërbyer bandave, dhe jo qytetarëve.

Basha shprehet se “koka e këtij sistemi është Edi Rama,” i cili nuk mund të shmangë përgjegjësinë për bashkëpunëtorët e tij që, sipas tij, shërbejnë krimit dhe jo interesit publik. Ai gjithashtu riafirmon mbështetje për SPAK-un dhe GJKKO-në, duke i inkurajuar ata të vazhdojnë hetimet për të gjithë ata që kanë abuzuar me besimin dhe taksat e qytetarëve.

Cyrbja i hipotekës së Durrësit dhe i bandave të Shijakut është bishti i një sistemi korruptiv dhe të kriminalizuar, që varfëron dhe shpopullon vendin. Ai u vesh me pushtet nga Edi Rama për t’i shërbyer bandave, jo qytetarëve.
Prandaj koka e këtij sistemi është Edi Rama, i cili nuk mund të lajë duart duke mos mbajtur përgjegjësi për bashkëpunëtorët e tij që i shërebejnë krimiti, jo interesit publik.
Ne mbetemi të vendosur për të mbështetur SPAK-un dhe GJKKO-në, ashtu sikurse e inkurajomë të vijojë hetimet për të gjithë ata që kanë abuzuar me besimin dhe taksat e qytetarëve më të varfër në Europë.
Shqipëria meriton më shumë