Ministrja e Shëndetësisë, Ogerta Manastirliu ka publikuar pamjet e para nga spitali Covid 3. Ajo thekson se ky spital ka të gjitha pajisjet e nevojshme dhe standardet për trajtimin e të sëmurëve me Covid-19.
Sipas Manastirliut, që prej fillimit të pandemisë nuk është ndërprerë për asnjë moment trajnimin e personelit infermieror, që do të shërbejë në spitalet Covid.
Postimi i ministres:
Siç e kishim thënë, pas plotësimit të vendeve në spitalet Covid-1 dhe Covid-2, kemi hapur Spitalin Covid-3, në Qendrën Spitalore Universitare “Nënë Tereza”.
Covid-3 ka të gjitha pajisjet e nevojshme dhe standardet për trajtimin e të sëmurëve me Covid-19, ndërkohë që drejtohet nga një ekip i kualifikuar dhe me shumë eksperiencë mjekësh, të spitalit infektiv dhe të strukturave tona të shërbimit shëndetësor.
Që nga fillimi i pandemisë, nuk e kemi ndërprerë për asnjë moment trainimin e personelit infermieror, që do të shërbejë në spitalet tona Covid. Të sëmurëve në Covid-3 do u shërbejë gjithashtu një ekip infermierësh të trajnuar dhe me eksperiencën e përftuar duke u shërbyer pacientëve gjatë periudhës së pandemisë.
Siguroj qytetarët shqiptarë se nuk e kemi ndalur dhe nuk do ta ndalim asnjë çast punën dhe për t’i ofruar çdokujt që ka nevojë, shërbimin më të mirë të mundshëm mjekësor.
Dhe në fund, si gjithmonë, kam një lutje:
Të bëjmë të gjithë nga pak për të shmangur përhapjen e infeksionit, duke respektuar rregullat.
![](https://opennews.al/wp-content/uploads/2020/10/123.jpg)
![](https://opennews.al/wp-content/uploads/2020/10/1234.jpg)
![](https://opennews.al/wp-content/uploads/2020/10/123456.jpg)
![](https://opennews.al/wp-content/uploads/2020/10/opennews.al_-26.jpg)