Danja ka shpjeguar për herë të parë arsyen pas largimit të G Banit nga shtëpia e Big Brother VIP, pas komunikatës së Ledionit për gjendjen e babait të tij, i cili ishte shtruar në spital. Sipas Danjës, ditët e fundit ajo pati debate të forta me G Banin, të cilat përfunduan me ofendime të rënda nga ana e tij.
Në një intervistë të mëvonshme, Danja theksoi se nuk mund ta falë G Banin, pasi ky i fundit e ka ofenduar në një mënyrë që, sipas saj, nuk e ka përjetuar kurrë më parë. Ajo gjithashtu shprehu se disa gjëra nuk duhen thënë, dhe se fyerjet që mori ishin tepër të rëndë për ta kaluar lehtë.
“I thashë ishalla bëhet më mirë babai, dhe kaq. Për ta falur, nuk e fal G Banin, o për lojë, o ku di unë, disa gjëra nuk thuhen. Le të më gjykojë gjithë dynjaja, le të më thonë shtrigë. Kurrë nuk më ka ofenduar njeri ashtu në atë gradë, edhe pa i bërë asgjë.” – shprehet Danja.
Ajo gjithashtu komentoi për Gertën, duke nënkuptuar se nervat e G Banit do të “hajë” ajo tani:
“Nervat e atij do i hajë kjo detektivja e shtëpisë, (Gerta). U bë me atë që të hante ndonjë copë tortë.”
Ky debat mes Danjës dhe G Banit ka ngjallur shumë reagime mes banorëve të tjerë dhe ndjekësve të spektaklit, të cilët po ndjekin me interes çdo zhvillim në shtëpinë e Big Brother VIP.
