Pas publikimit të fotos së parë të këmbëve të vogla të foshnjës, Dafina Zeqiri dhe partneri i saj Kreshnik Gjergji kanë tërhequr vëmendjen e publikut me zgjedhjen e emrit për djalin e tyre: Daskan.

Kurioziteti i ndjekësve mbi këtë emër të veçantë ka marrë përgjigje nga vetë Kreshniku, i cili përmes një komenti ka zbuluar kuptimin simbolik dhe historik të tij:

“Daskan – Emër me rrënjë ilire, që mbart forcën e burrërisë, nderit dhe udhëheqjes. Një emër që tingëllon lashtësi, si zëri i një prijësi fisnor. Daskan është emër – është krenari, është gjak ilir.”

Ky shpjegim është pritur me shumë pozitivitet në rrjet, duke u cilësuar si një zgjedhje e bukur që përcjell identitet, traditë dhe trashëgimi kulturore.
Çifti nuk ka dhënë ende detaje të tjera për foshnjën, por duket se emri i tij tashmë ka fituar zemrat e publikut.