Disa prej prezantueseve më të njohura të DAZN Italy – Eleonora Incardona, Giusy Meloni, Diletta Leotta dhe Marialuisa Jacobelli – kanë shkaktuar një stuhi reagimesh gjatë raportimeve nga Kampionati Botëror i Klubeve në SHBA. Pamjet e tyre janë bërë virale në rrjetet sociale, duke tërhequr vëmendje masive, por edhe kritika të ashpra për stilin dhe mënyrën e prezantimit.

Valentina Maceri, prezantuese e Ligës së Kampionëve në një televizion zviceran, nuk ngurroi t’i kritikojë ato ashpër, duke i akuzuar për mungesë profesionalizmi. “Nëse do të kesh të njëjtin respekt si lojtarët dhe zyrtarët, pamja duhet të jetë më e përmbajtur,” tha Maceri në një intervistë për BILD, duke veçuar sidomos Eleonora Incardonan, për bashkëpunimet e saj me agjenci bastesh dhe stilin që ajo e cilëson “vulgar”.

Kritikat u intensifikuan pas një videoje virale nga një ndeshje në Orlando, ku Incardona shfaqej me kostum me vija dhe reçipeta, një veshje që u konsiderua e papërshtatshme për një ngjarje sportive të këtij niveli.

Në mes të polemikave, Diletta Leotta është rikthyer në qendër të vëmendjes, jo vetëm për pamjen, por edhe për një përplasje personale me balerinën Eleonora Abbagnato, e cila e akuzoi Leottan për sjellje të papërshtatshme ndaj bashkëshortit të saj, Federico Balzaretti.

Këto zhvillime kanë ndezur një debat të gjerë mbi balancën mes profesionalizmit dhe stilit personal në mediat sportive, duke vënë në pah sfidat e prezantimit në evente ndërkombëtare me audienca masive.