Një nga konkurrentet e emisionit “Përputhen”, Katerina, ka bërë një rrëfim të papritur duke deklaruar se ka pasur një lidhje 4-mujore me reperin e njohur shqiptar Don Xhonin. Sipas Katerinës, marrëdhënia e tyre përfundoi për shkak të disa mosmarrëveshjeve dhe fjalëve mes tyre. E pyetur nëse Don Xhoni mund të mërzitet nga ky zbulim, ajo u shpreh: “Po, ai ka dashur ta mbajë lidhjen shumë privat.”

Pas deklaratës së saj, reperi ka reaguar në mënyrë indirekte përmes një videoje të publikuar në Instagram, ku shfaqet në Belgjikë pranë një vajze tjetër. Në video, ai shkruan:
“Unë jam shumë besnik për të qenë në një marrëdhënie me të gjitha këto ku*va.”

Ky reagim ka ngjallur debate të shumta mes ndjekësve, të cilët janë ndarë në qëndrime. Disa mbështesin Katerinën për sinqeritetin e saj, ndërsa të tjerë kritikojnë ekspozimin e marrëdhënies së tyre private. Nga ana tjetër, fansat e Don Xhonit kanë interpretuar reagimin e tij si një mohim të tërthortë të pretendimeve të saj.

Kjo situatë ka rritur edhe më shumë interesin publik për jetën private të reperit dhe konkurrentes së “Përputhen”.