Policia e Elbasanit ka ndaluar Aurel Mehjan, dhëndrin e ish-kryebashkiakut të ndjerë Qazim Sejdini, për akuzën e “Kanosjes për shkak të detyrës” ndaj një punonjësi të policisë.

Sipas burimeve zyrtare, Mehaj dyshohet se ka kanosur dhe ka goditur me automjetin e tij një efektiv policie gjatë zhvillimit të Kupës “Dita e Verës” në Çiklizëm, ngjarje e cila ndodhi në qytetin e Elbasanit.

Ndalimi i tij u krye me urdhër të Prokurorisë pranë Gjykatës së Shkallës së Parë të Juridiksionit të Përgjithshëm Elbasan. Autoritetet kanë nisur hetimet për të zbardhur plotësisht rrethanat e ngjarjes.