Një shtëpi e pabanuar në fshatin Kosovë e Vogël, të qarkut Lushnjë, është përfshirë nga flakët dhe është shkatërruar plotësisht.

Në vendngjarje kanë shkuar menjëherë forcat zjarrfikëse të Lushnjes dhe efektive të policisë, të cilët kanë arritur të vendosin nën kontroll zjarrin. Policia po kryen veprimet procedurale dhe nuk përjashtohet mundësia e zjarrvënies së qëllimshme.

Banesa, në pronësi të shtetasit Fiqiri Nexha, ishte e zbrazët prej vitesh, pasi pronari nuk jetonte aty. Për kujdesin e saj, Nexha kishte ngarkuar një fqinj që të mbikëqyrte shtëpinë. Pikërisht ky fqinj ka vënë re flakët dhe ka kërkuar ndërhyrjen e zjarrfikësve.

Autoritetet vijojnë hetimet për të përcaktuar shkaqet e zjarrit dhe për të identifikuar nëse pas tij qëndron një veprim i qëllimshëm.