Ish-presidenti i SHBA-së, Donald Trump, ka deklaruar se do t’i ofronte një pozicion Elon Musk në administratën e tij nëse do të fitonte zgjedhjet presidenciale të nëntorit. Ky qëndrim vjen pas mbështetjes hapur të Musk për Trumpin dhe një interviste të fundit që Musk ka mbajtur me të në rrjetin e tij social, X.

Në një përgjigje për Reuters, Trump tha se nëse Musk do të pranonin, ai patjetër do ta zgjidhte atë për një rol këshillues ose ndoshta në kabinet. “Ai është një djalë shumë i zgjuar. Unë patjetër do, nëse ai do të pranonte, unë patjetër do. Ai është një djalë i shkëlqyer,” theksoi Trump.

Për këtë ofertë, Elon Musk postoi një imazh të gjeneruar nga AI në llogaritë e tij në rrjetet sociale, që e paraqiste atë në një podium të rrethuar nga flamuj amerikanë, duke sugjeruar se ai është i gatshëm të shërbejë. Më poshtë ishte mbishkrimi “Jam gati të shërbej,” që duket se i përgjigjet ofertës së Trumpit për një rol qeveritar.

Musk, pronar i Tesla, SpaceX, dhe X, ka shprehur gjithnjë e më shumë pikëpamje konservatore kohët e fundit, të cilat i komunikon përmes llogarisë së tij në X. Mbështetje e tij për Trumpin dhe angazhimi në intervistën e fundit janë shfaqur si tregues të një lidhjeje gjithnjë e më të ngushtë mes tyre.