Drejtori i Përgjithshëm i Burgjeve, Klevis Qose, ka bërë një apel publik për ndihmë në mbështetje të Mentor Sopjanit, një punonjës i IEVP Elbasan, i cili po përballet me një sfidë të rëndë shëndetësore.

Në një postim në rrjetet sociale, Qose thekson se Sopjani ka nevojë për mbështetje jo vetëm morale, por edhe financiare, duke ftuar të gjithë ata që mund të kontribuojnë për ta ndihmuar në këtë moment të vështirë.

“Mentori ka qenë gjithmonë një njeri i përkushtuar dhe punonjës i ndershëm. Tani është radha jonë t’i qëndrojmë pranë dhe ta ndihmojmë të përballojë këtë sfidë. Çdo kontribut, sado i vogël, mund të bëjë një ndryshim të madh për jetën e tij”, thuhet në apelin e tij.

Të gjithë ata që dëshirojnë të ndihmojnë mund të kontribuojnë në llogarinë bankare të publikuar ose të kontaktojnë familjarët e tij për më shumë informacion.