Një drogë rozë me origjinë nga Kolumbia, e cila është një përzierje e MDMA-së dhe ketaminës po fiton popullaritet midis përdoruesve të drogës në Evropë. E njohur për blerësit si “tusi” (shqiptohet me ‘2C’), por media dhe Policia e njeh si “kokaina rozë” edhe pse nuk përmban kokainë. Shpikja po merret gjithnjë e më shumë nga përdoruesit e drogës dhe sekuestrohet nga Policia në Spanjë, dhe është duke dalë në sipërfaqe diku tjetër në Evropë.

Sipas mediave të huaja, në qytetet kryesore të Kolumbisë, droga është bërë sinonim i një brezi të ri të narkotikëve të rinj që po prodhojnë dhe e shesin drogën për t’u përdorur në skenat e klubeve të natës. Droga u shfaq për herë të parë në rrugët e Kolumbisë rreth vitit 2010. Pluhuri rozë, i lyer me ngjyra ushqimore për ta bërë atë të dallohej nga pluhurat e tjerë dhe zakonisht mbante erë luleshtrydhe, quhej “tusi” sepse përmbante drogën psikedelike 2CB.

Që atëherë, testet mjeko-ligjore kanë treguar se droga është shndërruar në një përzierje të paparashikueshme, që më së shpeshti përmban përmasa të ndryshme të ketaminës dhe MDMA-së, të lidhura me kafeinë. Sipas një raporti të OKB-së për drogën mbi rritjen e tregtisë së paligjshme të ketaminës të botuar këtë javë, këtë vit tusi është parë në një festival muzikor në Angli, si dhe në Austri dhe Zvicër.

Ndoshta ishte e pashmangshme që droga të fillonte të shfaqej në Spanjë, vendi evropian me lidhjet më të ngushta me botën e drogës në Kolumbi. Droga është identifikuar në mënyrë sporadike në Spanjë që nga viti 2011, dhe një nga kapjet e para të mëdha ishte në vitin 2016, por ekspertët thonë se gjatë tre viteve të fundit ata kanë parë një rritje të përhapjes së produktit në të gjithë Spanjën.