Duke nisur nga data 1 shtator, vendi ynë do të aplikojë masa të reja anti-covid, të cilat janë forcuar për shkak të rritjes së rasteve të infektimeve.
Komiteti Teknik i Ekspertëve vendosi që të ndryshojë orën policore, e cila do të hyjë në fuqi nga 23:00 deri në orën 06:00. Po ashtu, masa të reja do të aplikohen dhe në pikat kufitare të Shqipërisë, ku qytetarët duhet të plotësojnë 3 kushte.
Kështu, kush do të hyjë në kufijë e territorit shqiptar duhet të këtë pasaportë vaksinimi, test PCR brenda 72 orëve ose provë të kalimit të covid, 6 muaj pas shërimit, si dhe karantinë për 10 ditë. Komiteti Teknik më tej vendosi, bërjen me detyrim të vaksinës për mjekët, studentët dhe mësuesit.
“Komiteti Teknik i Ekspertëve ka ndjekur dinamikën e situatës epidemiologjike të koronavirusit në të gjithë botën. Indikatorë monitories kanë treguar një tendencë përkeqësimi. Numri i rasteve të reja ditore ose incidence dyjavore, nga 86 për 100 mijë banorë ka shkuar në mbi 300 për 100 mijë banorë. Duke filluar nga data 1 shtator, ora policore, nga ora 00:-06:00 do shkojë nga 23:00 në 06:00” – tha Rakacolli.
“Komiteti i vaksinimit, ka vendosur që të propozojë vaksinimin e detyrueshëm për grupet më të riskuara sidomos për shpërndarjen e infeksionit duke filluar nga stafet mjekësore, arsimtarët dhe studentët. Vlerësohet që shtatori, duke qenë muaji i hapur i vaksinimit duhet të jetë periudha që të gjithë arismtarët, stafet mjekësore dhe studentët të kryejnë vaksinimin dhe deri në datën 30 shtator, të dorëzojë vërtetimin pranë qendrës së tyre të punës dhe për studentët pranë zyrave të përcaktuara nga institucionet e arsimit të lartë, kopjen e kartës së vaksinimit të dalë nga e-albania.
Pas kësa date, për ata të cilët nuk e kanë, do u kërkohet paraqitja periodike e testit PCR për të verifikuar infektueshmërinë. Përjashtim do të bëhet vetëm për ata që kanë indikacion mjekësor të përcaktuar me document mjekësor për mosbërjen e vaksinës e cila do vlerësohet me përgjegjshmëri edhe nga specialistët e shëndetit public për të evituar ndonjë vendim jo fort të saktë. Për studentët, bëj thirrje për vaksinim brenda muajit shtator që të fillojë mësimi në auditor” – tha Rakacolli.
Masat e vendosura nga Komiteti Teknik i Ekspertëve:
– Duke filluar nga data 1 shtator ora policore nga 24:00 deri në 06:00 që është sot do të shkojë në 23:00 deri në orën 06:00
– Duke filluar nga data 6 shtator qytetarët të cilët hyjnë në Republikën e Shqipërisë nga të gjitha pikat kufitare duhet të plotësojnë një nga këto tre kushte:
1. Të paraqesin pasaportën e vaksinimit ku data e vaksinimit të plotë të jetë jo më e vonshme se dy javë nga data e hyrjes në kufi.
2. Të kenë testin PCR negative brenda 72 orëve ose testin e shpejtë antigenik brenda 48 orëve.
3. Ose të kenë provë të kalimit të infeksionit Sars Cov2 të vlefshme deri në 6 muaj pas shërimit.
Kjo është e vlefshme edhe për ata qytetarë të cilët kalojnë transit në Shqipëri.
Fëmijët deri në 6 vjeç nuk i nënshtrohen këtyre rregullave.
– Qytetarët shqiptarë rezidentë në Shqipëri të cilët kthehen dhe nuk kanë një nga dokumentat e sipërcituara duhet të vetëizolohen për 10 ditë dhe të informojnë autoritetin shëndetësor për të kryer një test në fund të periudhës së izolimit.
– Komiteti i Ekspertëve të Vaksinimit në vlerësim të përgjegjshmërisë qytetare për mbrojtjen e shëndetit publik ka vendosur rekomandimin e vendosjes së vaksinimit të detyruar për grupet më të riskuara nga marrja dhe sidomos nga shpërndarja e infeksionit duke filluar me stafet mjekësore, me arsimtarët dhe me studentët.
– Vlerësohet që shtatori, duke qenë muaj i hapur të jetë periudha që të gjithë stafet mjekësore, arsimtarët dhe studentët, të kryejnë vaksinimin dhe deri në datën 30 shtator të dorëzojnë vërtetimin pranë qendrës së tyre të punës dhe për studentët pranë zyrave të përcaktuara nga Institucionet e Arsimit të Lartë kopjen e kartës së vaksinimit të dalë nga e-Albania.
– Pas kësaj date për ata të cilët nuk e kanë, do të kërkohet paraqitja periodike e testit PCR për të verifikuar infektueshmërinë. Përjashtim do të bëhet vetëm për ata që kanë indikacion mjekësor të përcaktuar me dokument mjekësor për mosbërjen e vaksinës. Një dokument i cili do të vlerësohet me përgjegjshmëri përveç mjekut dhe specialistit që e ka dhënë edhe nga specialisti i Institutit të Shëndetit Publik për të evituar ndonjë marrje vendimi jo shumë të saktë.
– Për studentët bëjmë thirrje edhe njëherë vaksinim brenda muajit shtator në mënyrë që procesi mësimor të zhvillohet në auditore ashtu siç ata e kanë kërkuar vazhdimisht dhe të lehtësohet ecuria e procesit mësimor.
– Informojmë që vaksinimi kryhet në çdo qendër shëndetësore dhe në pikat e vaksinimit të përqendruar. Penaliteti për paraqitjen për marrjen e PCR në mënyrë periodike do të fillojë vetëm mbas datës 30 shtator
– Në ndërtesën e aeroporteve do të lejohen të hyjnë vetëm pasagjerët që udhëtojnë, duke shmangur shoqërimin nga familjarë të tyre.
– Këta pasagjerë duhet të zbatojnë me rigorozitet mbajtjen e maskës, ashtu siç është rekomanduar dhe siç po reflektohet ky ndryshim edhe në protokollin e funksionimit normal të aeroporteve.
– Vazhdon të mbetet në fuqi urdhëri për përdorimin e maskave në ambientet e mbyllura, në qendra tregtare, supermarket, dyqane, transport publik dhe në të gjitha ato vende ku nuk sigurohet distancimi fizik.
– Në të gjitha institucionet e kujdesit shëndetësor vazhdon të mbetet në fuqi moslejimi i hyrjes së familjarëve për personat të cilët janë të shtruar.
– Në të gjitha rastet kur nuk respektohen masat e rekomanduara do të zbatohen penalitetet, siç është ai individual kur qytetari nuk ka përdorur maskën në ambientet e rekomanduara në masën e gjobës 3 mijë lekë nëse është për herë të parë dhe në rast përsëritje në masën 5 mijë lekë.
– Në rast kur bizneset nuk zbatojnë protokollet e rekomanduara nga Instituti i Shëndetit Publik masa e penalitetit shkon nga 100 mijë lekë deri në 700 mijë lekë në varësi të masës e cila nuk është zbatuar.
