Kryeprokurori i Posaçëm, Altin Dumani, është pyetur sot në Kuvend nga deputeti i Partisë së Lirisë, Tedi Blushi, lidhur me mënyrën e arrestimit të ish-presidentit Ilir Meta.

Në seancën ku Dumani raportonte mbi veprimtarinë e SPAK gjatë vitit 2024, Blushi kërkoi shpjegime përse Byroja Kombëtare e Hetimit (BKH) nuk mori pjesë në atë që e quajti “show politik” gjatë arrestimit të Metës.

“Pse BKH-ja e shmangu pjesëmarrjen në atë show politik gjatë arrestimit të Metës?”, — pyeti Blushi.

Në përgjigje, Dumani theksoi se masat e sigurimit dhe ekzekutimi i tyre janë përgjegjësi ekskluzive e Policisë së Shtetit, jo e Prokurorisë.

“Masat e sigurimit janë përgjegjësi e policisë, jo e Prokurorisë,” — deklaroi kreu i SPAK.

Deklarata e Dumanit vjen në një moment kur opozita ka akuzuar SPAK-un për veprim të njëanshëm dhe për përdorim të drejtësisë në funksion të politikës.