Këngëtarja e njohur shqiptare, Drenusha Latifi, ka rrëfyer së fundmi për dhunën e ushtruar nga ish-bashkëshorti i saj, Atilla Kardesh.

Ajo zbuloi se ka qenë viktimë e dhunës prej vitesh, teksa jetonte prej vitesh në Suedi.

Megjithatë, ish-partneri i saj ka qenë i ftuar po ashtu në Klan Kosova, ku mohoi se ka ndodhur një gjë e tillë.

Për të dëshmuar, artistja u shfaq edhe në një intervistë tjetër, përmes së cilës solli edhe disa fotografi. Bukuroshja ka ndarë edhe disa mesazhe mbështetëse që ka marrë nga fansat në Instagram.

Në detajet tronditëse, Drenusha tha se ish-bashkëshorti e kishte rrahur edhe në sy të nënës së saj.

Ndër kohë ish bashkëshorti i saj gjatë ditës ka publikuar në llogarinë e tij zyrtare në Instagram, përgjimet e bisedave telefonike me ish-gruan e tij këngëtare, si kundërpërgjigje ndaj akuzave të saj për dhunë fizike dhe psikike.

Në këtë mënyrë ai ka shkelur dy aktvendime të Gjykatës së Prishtinës, e cila ia kishte ndaluar që të mos i afrohet ish-bashkëshortes së tij dhe të mos komunikojë në asnjë mënyrë me të.

Kështu ka bërë të ditur avokatja e Drenusha Latifit, Saranda Keqekolla, e cila ka thënë se Kardesh aktualisht është duke u intervistuar.

“Ai është shoqëruar në stacion policor pasi ka shkelur dy aktvendime të Gjykatës Themelore në Prishtinë, e cila ia ka ndaluar që t’i afrohet klientes time në distancë prej 50 metrave nga vendbanimi i saj si dhe vendimin që të mos komunikojë në asnjë formë me të, ta ngacmojë apo ofendojë. Tani po presim sepse intervistimi ende nuk ka përfunduar,” ka thënë avokatja Keqekolla.