Një ngjarje tronditëse ka ndodhur në Sarandë, ku një 22-vjeçar është shpallur në kërkim nga policia pasi akuzohet se i ka shitur drogë një të miture. Shtetasja 15-vjeçare ka përfunduar në spital pas konsumimit të lëndës narkotike.

“Specialistët për Hetimin e Krimeve në Komisariatin e Policisë Sarandë referuan materialet në Prokurori dhe shpallën në kërkim shtetasin O. L., 22 vjeç, banues në Sarandë, pasi dyshohet se më datë 16.05.2025, i ka shitur një sasi lëndë narkotike kokainë një shtetaseje të mitur 15 vjeçare, e cila si pasojë e konsumimit të lëndës narkotike ka marrë ndihmë mjekësore në spital”, thuhet në njoftimin zyrtar.

Policia ka nisur hetimet për zbardhjen e plotë të rrethanave të ngjarjes, ndërsa materialet i janë referuar Prokurorisë për veprime të mëtejshme procedurale.

Ngjarja ka shkaktuar reagime të forta në opinionin publik, për shkak të moshës së mitur të vajzës dhe rrezikut serioz për jetën e saj.