Kryeministri Edi Rama do të udhëtojë drejt Shtetet e Bashkuara të Amerikës, ku do të marrë pjesë në takimin e parë të Bordit të Paqes, organizatë e ideuar dhe drejtuar nga Presidenti amerikan Donald Trump.

Mbledhja do të zhvillohet më 19 shkurt në Washington, ku Rama do të përfaqësojë Shqipërinë në cilësinë e vendit anëtar themelues të këtij bordi. Sipas raportimeve, edhe udhëheqës të tjerë nga vende anëtare kanë konfirmuar pjesëmarrjen në takimin inaugurues.

Shqipëria iu bashkua Bordit të Paqes pas miratimit në Kuvend, mbi bazë të një ftese të ardhur nga Presidenti i SHBA-së për kryeministrin Rama.

Takimi i 19 shkurtit pritet të shënojë nisjen zyrtare të aktivitetit të organizatës në nivel ndërkombëtar.