Kryeministri Edi Rama ka mbërritur në sheshin “Skënderbej”, ku Partia Socialiste po çel zyrtarisht fushatën elektorale për zgjedhjet e 11 majit. Ai përshkoi në këmbë rrugën nga selia e PS-së deri te skena qendrore, ku është vendosur aktiviteti madhështor i hapjes së fushatës, me moton “Shqipëria 2030 në BE”.

I veshur me një stil të kombinuar që reflekton simbolet e Bashkimit Europian, Rama ndaloi për të përshëndetur dhe takuar disa nga të pranishmit përgjatë rrugës.

Fjalimi i kryeministrit pritet të mbahet pas përfundimit të performancave tradicionale nga përfaqësuesit e 12 qarqeve të vendit, të cilat po zhvillohen në kuadër të prezantimit të kandidatëve për deputetë.