Kreyministri Edi Rama ka reaguar në lidhje me operacionin e SPAK dhe Policisë së Shtetit, ku u lëshuan 32 urdhër arreste për persona të përfshurë në ngjarje të rënda kriminale.

Rama u shpreh se ky operacion është tregues i vendosmërisë për ta goditur krimin e organizuar me të gjithë forcën e ligjit.

Për Ramën ky operacion ishte shembulli më kuptimplotë i fuqizimit të organeve ligjzbatuese.

Postimi i Ramës:

Operacioni i sotëm i SPAKUT dhe Policisë së Shtetit është shembulli më kuptimplotë i fuqizimit të organeve ligjzbatuese dhe vendosmërisë së madhe për ta goditur krimin e organizuar me të gjithë forcën e ligjit! Respekt për këtë shembull kaq domethënës. Mbështetje deri në fund!