Kryeministri Edi Rama komentoi sot në platformën X mbi deklaratat e një gazetari, duke kritikuar ashpër qasjen e tij ndaj çështjeve mjedisore. Rama tha se ishte “fakti skandaloz që një zëdhënës i opinionit publik, me një injorancë të ububushme, i thotë qytetarëve se inceneratori i Tiranës e ka fajin për shishet e qeset plastike që hidhen rrugëve të Shqipërisë”, të cilat përfundojnë në lumenj dhe det.

Kryeministri theksoi se ndërsa një gazetar i mirë informohet dhe informon saktë publikun, shumë të tjerë përhapin urrejtje, shpifje dhe dizinformim. Ai shtoi: “Kollaj është të urresh, shpifësh, dizinformosh, sepse nuk ka nevojë të lexosh, të mësosh, të kuptosh të vërtetën e të jesh i drejtë dhe i mirëartikuluar, ndërsa e kundërta ka punë e mund të madh.”

Rama theksoi nevojën për profesionalizëm dhe përkujdesje në raportimin mbi çështjet mjedisore dhe për efektet reale të mbetjeve plastike në ambient.