Gjykata Penale e Tiranës ka shpallur fajtore aktoren Egla Ceno për veprën penale të “shpifjes”, pas padisë së ngritur nga moderatori i emisionit “Stop”, Saimir Kodra.

Vendimi është dhënë mesditën e sotme dhe parashikon që Ceno të paguajë 1 milion lekë të vjetra (rreth 10 mijë lekë të reja) si gjobë.

Çështja nisi pas një deklarate të bërë nga aktorja gjatë një interviste në një “podcast”, ku ajo u shpreh se ishte ngacmuar seksualisht nga një moderator televiziv, pa përmendur fillimisht emrin. Më vonë, aludimet publike lidhën deklaratën e saj me Saimir Kodrën, i cili reagoi menjëherë dhe njoftoi se do të ndiqte rrugën ligjore për mbrojtjen e reputacionit të tij.

Në procesin gjyqësor, Egla Ceno paraqiti disa versione të ndryshme mbrojtjeje. Fillimisht, ajo tha se kishte frikë të paraqitej në gjykatë, më pas deklaroi se nuk e kishte përmendur Kodrën me emër, dhe në një seancë tjetër u shpreh se deklaratat kishin karakter simbolik, si mbështetje për gratë që kanë përjetuar abuzime.

Megjithatë, gjykata e vlerësoi se deklaratat e saj kishin cënuar padrejtësisht reputacionin e moderatorit dhe vendosi dënimin me gjobë.

Vendimi mund të apelohen në Gjykatën e Apelit të Tiranës.