Në spektaklin e së martës të “Big Brother VIP Albania 4”, Egli Tako ndau momente nga e kaluara e saj, duke përmendur ish-partnerin, këngëtarin Olsi Bylyku. Ky rrëfim u pasua me një surprizë të papritur, kur Olsi erdhi në shtëpi dhe i dha një mesazh emocionues Eglit, duke e prekur thellë atë.
Pas këtij takimi, Egli dhe Gjesti diskutuan ndjenjat e tyre, ku Gjesti shprehu shqetësimin për takimin e papritur të Eglit me Olsin. Nga ana e saj, Egli e shpjegoi se ishte një emocion i papritur, pas kaq shumë kohësh që nuk kishte kontaktuar me të.
Pjesë nga biseda e tyre:
Gjesti: “Nuk u ndjeva mirë kur u takove me të.”
Egli: “Atë po mendoja gjithë kohës kur isha aty, prandaj erdha të të puthja direkt ty. Doja të të puthja në buzë.”
Gjesti: “Nuk ke nevojë me më puth pas takimit.”
Egli: “Edhe për mua ishte aq bombë sa e ke parë ti. Kurrë se kisha menaxhuar e shihja përballë dhe thoja është apo… Asnjë lloj ndjenje.”
Gjesti: “Po valla, krejt, emocione.”
Egli: “Emocion nga e papritura, kam dy vite e kusur që nuk e shoh fare. As nëpër Tiranë. Është hera e parë pas ditës kur kam ikur në shtëpi time.”
Gjesti: “Qëllimi nuk e di çfarë ke, në rregull po nuk po di pse me ndodh bash tani. Këtë s’po e kuptoj. Pse për linjën e jetës ish i dashuri.”
Egli: “Mirë se është pjesë e linjës së jetës, për të dhënë një mesazh. Ke përmendur ti dikë, nuk ka qenë ajo që të përmendnin këtu. Ta sollën edhe ty.”
Gjesti: “Unë nuk e kam përqafuar as nuk fola.”
Egli: “Unë kam jetuar pesë vite, mos ngatërro gjërat. Po them, dukej si i huaj. Më trembi ndjesia, shumë kohë pa e parë fare. Asnjë lloj emocioni.”
Gjesti: “Qëndrimi yt pat diçka. Dyqysh e përqafove.”
Egli: “U çudita se ishte një takim që e kisha kërkuar shumë kur u ndamë dhe nuk e bëri.”
Ky moment i ngarkuar emocionalisht ka nxjerrë në pah ndjenjat e Eglit për ish-partnerin e saj, ndërsa Gjesti ka shprehur shqetësimin për situatën. Përballja me të kaluarën duket se ka qenë një moment i papritur dhe i fuqishëm për Eglin, duke sjellë një bisedë të ndjerë me partnerin e saj të tanishëm.
