Egli dhe Gjesti: Lidhja që ndryshoi Dinamikat në “Big Brother VIP 4”

Gazetarja Juli Ristani ka komentuar në programin “Live From Tirana” daljen e Eglit nga “Big Brother VIP 4”, duke theksuar se ajo kishte nevojë për një periudhë detoksifikimi pas gjithë eksperiencës që kishte përjetuar. Ristani bëri një krahasim interesant mes Eglit dhe artistes së njohur meksikane, Frida Kahlo, duke theksuar ndjeshmërinë dhe portretin e veçantë të Eglit.

Ajo u shpreh se fillimisht Egli ishte një personazh i qetë dhe i disiplinuar, por lojërat e saj u bënë më të dukshme pas hyrjes së Gjestit. Ristani tregoi se Gjesti kishte ardhur në shtëpi me informacion rreth banorëve dhe, gjatë ditëve të para, kishte shfaqur një interes të veçantë për Eglin, duke e ndjekur nga pas dhe duke treguar kujdes ndaj saj.

Ka shumë kuriozitet rreth Eglit pas daljes së saj nga BBV. Për mua bën shumë mirë që nuk ka reaguar veç asaj story, i duhet një detoksifikim nga gjithë ajo që kaloi.

Gjej një ngjashmëri shumë të madhe me Frida Kahlo, me artisten e famshme meksikane, për portretin e saj shumë fin dhe të veçantë. Egli ishte ajo vajza e mirë, e paqtë, e disiplinuar që e tregon edhe në regjimin që ka.

Loja e saj u bë e dukshme me hyrjen e Gjestit. Shqipëria e kishte ndjekur “BBV Kosova”, i njihnin personazhet. Besoj se Gjesti në ato 24 orë ka marrë informacion se ku do futej, si ishin banorët. 

Sapo është futur ka thënë kush është Egli, sigurisht ishin dhe lojërat e tij. Ditët e para shkonte dhe i merrte aromë flokëve, lëkurës së saj, dy ditët e para e ndiqte nga pas.

Erdhën tre drone për Gjestin, Egli e kuptoi që Gjesti ishte një figurë e pëlqyer jashtë. Aty Egli merr një kthesë të menjëhershme dhe nis me një përkujdesje, Egli filloi të investonte te ai, jetonte vetëm për atë aty”