Eksperti i ekonomisë, Pano Soko, ka shprehur mendimin se konflikti mes deputetëve të Partisë Demokratike (PD), si Flamur Noka dhe Gazment Bardhi nga njëra anë dhe Flutura Açka nga ana tjetër, vjen nga ambiguiteti i situatës juridike të PD. Soko ka vlerësuar se veprimet e dhunshme kanë zero efekt për plotësimin e kërkesave të selisë blu, dhe ka theksuar nevojën për zgjidhje juridike për të shpëtuar nga kjo situatë.
Sipas Sokos, situata juridike e PD është në ambiguitet, dhe një zgjidhje juridike do të çonte në qetësimin e tensioneve. Ai ka theksuar se dhuna është gjithmonë zgjidhja e fundit dhe se veprime të tilla nuk kanë ndikim në realizimin e qëllimeve institucionale të partisë.
“Ngjarjet janë të turpshme, është e kot ta komentosh. Problemi që unë kam me këtë është çfarë duam të arrimë. Në qoftë se arrijnë të marrin komisionet hetimore që janë shumë të rëndësishme, me këto mjete, bujrum e justifikoj, por a i marrin dot?! Zgjidhja e dhunës është gjithmonë e fundit. E provuan të rrihnin një tjetër deputet dhe s’e morën zgjidhjen,” tha Soko.
Duke folur mbi reformën zgjedhore, Soko theksoi rëndësinë e një sistemi proporcional kombëtar si një faktor rritës për demokracinë. Ai shprehu përkushtimin e tij për një sistem proporcional kombëtar që do të ndihmonte në korrigjimin e anomalive aritmetike dhe shpërndarjen e pushtetit në mënyrë më të drejtë në politikën shqiptare.
“E gjithë kjo situatë prodhohet ngaqë situata juridike e PD është në ambiguitet. Në momentin që do ketë një zgjidhje juridike edhe këto përplasje do marrin një drejtim. Ngjarjet janë të turpshme, është e kot ta komentosh. Problemi që unë kam me këtë është çfarë duam të arrimë. Në qoftë se arrijnë të marrim komisionet hetimore që janë shumë të rëndësishme, me këto mjete, bujrum e justifikoj, por a i marrin dot?! Zgjidhja e dhunës është gjithmonë e fundit. E provuan të rrihnin një tjetër deputet dhe s’e morën zgjidhjen. Do rrahësh Panon që është anëtar komisioni, a ta jep zgjidhjen?! Jo. Rruga është e qartë, zgjidhja e forcës është e fundit. Forca është kur i ke ezaruruar të gjitha institucionet. Këta s’kanë ezauruar as hapat institucional. Nuk kam dëgjuar një argument pse nuk shkojnë në Gjykatën Kushtetuese. Kanë hallin e Sali Berishës, shumë dakord. A i zgjidh gjë Berishës kjo gjëja?! A po ia lehtësojnë akuzat?! Nuk kanë efekt, janë zero. Nëse do e godasësh aty ku i dhëmb, te akuza, SPAK-u, korrupsioni që e bën transparent, kështu e dëmton ti Ramën”.
