Sasia e vogël e tritolit, e cila ka shpërthyer në derën kryesore të një banese në Marikaj të Vorës, është në pronësi të Elton Muçës, i cili sipas burimeve të policisë ka një precedent të theksuar kriminal.

Lënda plasëse, e përgatitur artizanalisht, nuk ka shkaktuar dëme të mëdha në derën e avllisë, pasi nuk ka pasur fuqi të mjaftueshme.

Personi që ka lënë lëndën plasëse dhe ka ikur ishte i maskuar. Elton Muça, pronari i shtëpisë, pretendon para hetuesve se nuk ka asnjë ide se kush mund të jetë autor dhe se nuk ka konflikte me ndonjë person.