Një shqiptar është ekzekutuar me breshëri kallashnikovi në natën e fundit të muajit të ‘Ramazanit’, në Shkup të Maqedonisë së Veriut.
Personi i ekzekutuar mbrëmjen e djeshme në Butel të Shkupit të Maqedonisë është 43-vjeçari Kamer Idrizi, një emër i njohur për policinë si person me precedentë të mëparshëm penalë. Kameri ka ndërruar jetë rrugës për në spital si pasojë e plagëve të marra.
Ndërkohë, nga sulmi ka mbetur i plagosur rëndë edhe kushëriri i tij, 22 vjeçar, i cili po udhëtonte në të njëjtën makinë me biznesmenin, në zonën e Butel të Shkupit.
Ngjarja ndodhi rreth orës 22:00 në parkingun në kryqëzimin e bulevardeve “Bosnjë dhe Hercegovina” dhe “Hristijan Todorovski-Karpos”.
Ministria e Brendshme tashmë ka konfirmuar se është qëlluar nga një automjet “Range Rover” drejt mjetit “Golf”, në të cilën ndodheshin dy personat. Në drejtim të automjetit të 43-vjeçarit janë qëlluan më shumë se 80 plumba.
Kamer Idrizi kishte qenë në qendër të mediave vendase në vitin 2019 kur disa persona të maskuar qëlluan në drejtim të tij në një hotel në Shkup
Biznesmeni 43-vjeçar ndërroi jetë në vendngjarje, ndërsa kushëriri i tij u dërgua në urgjencë për të marrë ndihmën e nevojshme mjekësore, por nuk mundi të mbijetonte.
