Në garën për finalistin e dytë të Big Brother VIP Kosova 4 u përballën Londrim Mekaj, Elijona Binakaj, Hygerta Sako, Ardit Stafaj dhe motrat Suanita e Aurora Rrusta.

Pas eliminimeve të motrave Rrusta, Arditit dhe Hygertës, për në finale mbeti dueli i fortë mes Elijona Binakajt dhe Londrim Mekajt, ku Elijona arriti të siguronte vendin e saj në finale.

Pak ditë më parë, finalisti i parë, Ludo Lee, kishte siguruar biletën për në përballjen për çmimin e madh prej 200 mijë eurosh, që do të shpallet më 27 shkurt, në finalen e spektaklit.

Mbetet të shihet se cili prej finalistëve do ta rrëmbejë trofeun e këtij edicioni.