Pas miratimit në postin e Kryetarit të Kuvendit, Elisa Spiropali iu drejtua deputetëve të të dyja palëve me një mesazh të rëndësishëm. Ajo nënvizoi se do ta ushtrojë këtë detyrë me korrektësi dhe do të qëndrojë mbi palët, duke qenë e barabartë në mes të barabartëve.

“Faleminderit me zemër. Ky është një ushtrim i vështirë politik, social, qytetar, sa personal, aq dhe kolektiv. Por në fund, jam e qartë se në këtë ushtrim ajo që shkon mirë është meritë e juaja. Dua të falënderoj me zemër një zonjë grua që zëvendësova sot. E dashur Lindita, gjatë këtyre tre viteve, e drejtove Kuvendin me përkushtim, urtësi dhe nderim, që më është dukur gjithnjë mbinjerëzor. Do përpiqem modestisht të të ndjek dhe uroj të të afrohem sadopak në durim.”

Spiropali gjithashtu u shpreh për kolegët e opozitës: “Të nderuar kolegë të opozitës, dijeni se do t’iu shoh njësoj përballë, por nuk do të keni përballë, por do më gjeni me vullnet të mirë, po njësoj edhe me kolegët e majtë. Lutem të jem e para mes të barabartëve.”