Sekretari i Përgjithshëm i Lëvizjes Socialiste për Integrim Endrit Braimllari, i ka quajtur protestat e fermerëve në të gjithë Shqipërinë, si një tregues i mungesës së mbështetjes së qeverisë për fermerin vendas.

Me anë të një postimi në rrjetin social Facebook, Braimllari ka akuzuar ekzekutivin dhe në veçanti kryeministrin Rama, se me qëllim është duke ndjekur të tilla politike të cilat i quajti antikombëtare.
Protesta e fermereve te Dvoranit te Korçes, apo te Fierit, Lushnjes dhe ne te gjithe Shqiperine per mungesen e mbeshtjetes se qeverise tregon qarte mungesen e perkrahjes nga ana e qeverise per fermerin e mesem qe perben sot 99 perqind te prodhimit vendas.
politikat e Rames ne bujqesi jane te tilla per te favorizuar nje politike antikombetare, per te shkaterruar fermerin vendas dhe gjithçka ne funksion te autokracise dhe pushtetit te tij personale.
Fermeri vendas kerkon mbeshtetje reale qe ta beje te konkurueshem ne rajon.
-Fermeri vendas duhet te subvencionohet drejteperdrejte.
-Subvencionim per çmimin e inputeve bujqesore.
-Subvencion per karburantin, krijimin e shanseve dhe mundesive per tregun me qellim qe te shiten produktet vendase.
-Bujqesia duhet te marri rendesi strategjike kombetare dhe jo nje sektor propagande klientelist ne sherbim te rilindjes per interesa antikombetare.