Enkelejd Alibeaj ka deklaruar se do të zbatojnë vendimin e Apelit për Vulën e Partisë Demokratike (PD) “pikë për pikë”. Para mbledhjes me Lulzim Bashën, Alibeaj nuk pranoi të komentojë gjatë por u shpreh i prerë për respektimin e vendimit.

Ndërkohë, deputeti Kreshnik Çollaku, po ashtu konfirmoi respektimin e vendimit të Apelit. Ai deklaroi se është dhe do të mbetet deputet i PD-së, duke theksuar detyrimin për të respektuar vendimin gjyqësor.

“Do e zbatoni vendimin e Apelit?” – u pyet Alibeaj, i cili u përgjigj: “Pikë për pikë.”
Kreshnik Çollaku shtoi: “I qëndroj atyre që kam deklaruar. Ka një vendim të gjykatës që kemi detyrimin ta respektojmë. Do komunikojmë më tej. Jam deputeti i PD-së dhe do mbetem deputet i PD-së. Vendimi është marrë, e respektojmë.”