Hapja e gojës është një fenomen shpesh ngjitës që ndodh pa dashje dhe mund të ndikojë edhe te të tjerët. Dr. Reyan Saghir nga Kolegji i Londrës e përkufizon këtë veprim si një hapje të gjerë të gojës, të shoqëruar me një frymëmarrje të thellë dhe një frymënxjerrje të ngadaltë. Megjithatë, ende nuk është plotësisht e qartë pse ndodhin këto veprime, por shkencëtarët kanë disa ide.

Një teori e mëparshme sugjeronte se hapja e gojës ndodhte për shkak të mungesës së oksigjenit, por kjo u hodh poshtë pas eksperimenteve të viteve 1990 që nuk gjetën lidhje mes mungesës së oksigjenit dhe hapjes së gojës. Aktualisht, teorija më e pranuar është se hapja e gojës ndihmon në zgjuarjen e trupit, duke vepruar si një mekanizëm për të luftuar lodhjen.

Kur jemi të lodhur, veçanërisht kur përballemi me situata të mërzitshme, si ligjërata apo përmbajtje të padëshiruara, trupi reagon duke hapur gojën si një mënyrë për të rritur vigjilencën. Studimet kanë treguar se pas hapjes së gojës, ritmi i zemrës rritet dhe kulmon pas 10-15 sekondash, duke na bërë të ndjehemi më të zgjuar dhe të freskët.