Deputetja Elda Hoti ka nisur fjalimin e saj në Komisionin për Sterilizimin me një fjalë të mbushur me ironi, teksa Ilir Beqaj kishte ardhur për të dëshmuar. Ajo iu drejtua Beqajt duke thënë: “Faleminderit që rrëzuat mitin e shokut tuaj se nuk ka hajdut 2 metra”, duke iu referuar thënieve të kryeministrit Edi Rama, i cili vite më parë kishte thënë se Beqaj nuk është një hajdut “dy metra”.

Pas kësaj ironie, Hoti nuk e kursi as kritikën e saj ndaj kërkesës së Beqajt për të përdorur një prezantim me PowerPoint gjatë deklaratës së tij në komision. Ajo e kritikoi këtë si një përpjekje për të bërë propagandë, duke shtuar: “Propagandën vijojeni tek selia e Partisë Socialiste dhe jo tek Kuvendi i Shqipërisë.”