Mes dhimbjes dhe lotëve, familjarë, miq dhe të afërm i dhanë lamtumirën e fundit Flavio Saraçit, 19-vjeçarit shqiptar që humbi jetën në banesën e tij në Itali, në rrethana ende të paqarta.

Ceremonia mortore u zhvillua në provincën e Pistoias, ku familja jetonte prej vitesh në Masotti, zona e Serravalle Pistoiese.

Sipas raportimeve lokale, trupi i pajetë i Flavios u zbulua nga vëllai i tij 10-vjeçar, i cili e pa të rrëzuar në dhomën e tij të gjumit dhe nuk mundi ta shpëtonte. Raporti mjekësor konfirmon se shkaku i vdekjes ishte arrest kardiak.

Flavio studionte në Institutin Pacini, ishte aktiv në sporte dhe, sipas të afërmve, nuk kishte pasur probleme shëndetësore, duke qenë në gjendje të mirë fizike para kësaj ngjarjeje tragjike.