Ish-deputeti i Partisë Socialiste, Etjen Xhafaj, është emëruar Drejtor i Përgjithshëm i Postës Shqiptare. Vendimi është bërë zyrtar ditën e sotme, duke i besuar Xhafajt drejtimin e institucionit publik që mbulon shërbimin postar dhe logjistikën shtetërore në të gjithë territorin e vendit.

Xhafaj ka mbajtur më herët disa poste të rëndësishme në administratën shtetërore, përfshirë atë të zëvendësministrit të Brendshëm dhe deputet i Partisë Socialiste në Kuvendin e Shqipërisë.

Gjatë karrierës së tij, ai është përfshirë në procese kyçe të reformës në administratë dhe digjitalizimit të shërbimeve publike.

Emërimi i Etjen Xhafajt në krye të Postës Shqiptare shihet si pjesë e një procesi riorganizimi të institucionit, që synon modernizimin dhe zgjerimin e shërbimeve postare dhe financiare për qytetarët.